曾俊華學揸鑽的 獲讚細心
[2017.05.16] 發表
【明報專訊】前財政司長曾俊華雖然已經係特首落選人，但休息一排後繼續出動「落區」，噚日佢就去搵提供點到點接載服務嘅社企「鑽的」度，學做「無障礙愛心司機」。
社企「鑽的」喺社交網站話，曾俊華著上司機風褸扮演的士司機，學習輪椅上落嘅工序，佢嘗試自己控制遙控器同索帶，慢慢將「輪椅乘客」安置到的士中座位置。「鑽的」形容曾俊華係「錢買不到的鑽的司機」，「很快上手，過程很順利，更細心地完成扣安全帶等程序，滿分！」之後曾俊華就調轉角色扮演輪椅乘客，感受一下無障礙接載服務。
「鑽的」行政總裁梁淑儀就話，「鑽的」營運踏入咗第7年，接載超過13萬次輪椅乘客，發現近年加入佢哋嘅司機中，唔少係「中年半退休」狀態，唔知曾俊華經過今次訓練，有無心思思諗吓「人生下半場」做咩呢？
更多港聞
【明報專訊】政府嘅智慧城市顧問研究今年中完成，學界近幾年已經密鑼緊鼓做緊相關技術。中文大學同西安交通大學組成嘅研究團隊最近參加咗電機及電子工...
詳情
見同學浪費 小一生寫信邀「大嘥鬼」 黃錦星偕拍檔到訪觀察午膳
【明報專訊】明報「八爪魚家長」專欄作者梁永樂就讀於英華小學的小一兒子「希哥」，早前在學校運動會見部分學生吃剩飯盒內的飯餸，於是寫信給為環境局... 詳情相關新聞
