八達通資助搭復康車 輪椅者受惠
[2017.05.12] 發表
【明報專訊】香港交通發達，但唔少輪椅人士礙於出行困難，寧願唔出街留喺屋企。八達通卡有限公司(八達通)噚日宣布繼續同香港復康會合作，資助合資格領取綜援嘅輪椅人士，透過復康會嘅轎車提供「點到點」無障礙交通服務，推行期由今年4月1號至出年12月31號。
八達通行政總裁張耀堂話，希望透過計劃幫助到輪椅人士走入社區。根據八達通網頁，繁忙時間使用轎車服務嘅輪椅人士，八達通每程最多資助195元車費，非繁忙時間最多資助160元。
八達通最先喺2014年4月同復康會推出計劃，過去3年資助咗2.26萬程「點到點」無障礙車程畀輪椅人士使用。其中一名使用者許先生話，當年因為交通意外導致行動不便，但自從使用八達通有關服務後，佢可以多啲同朋友聚會，得閒仲可以參與戲劇同廣播劇演出，亦可因此照顧近月因病住院嘅父母，令佢覺得自己由「被照顧者」變成「照顧者」，感到非常欣慰。
更多港聞
直資校加費 英華小學申20%最多 男拔擬加6%
【明報專訊】直資學校向教育局申請調整學費，上月底截止，局方收到45份加費和28份凍費申請，當中以英華小學和勞工子弟中學的加幅最多，達20%。... 詳情
【明報專訊】全球有6200萬小學及初中學齡女童失學，每年有1700萬名女童在18歲前被迫結婚，為鼓勵本港年輕人了解和反思發展中國家女童所面對...
詳情
相關新聞
