發展局長望議員多啲北上考察
[2017.04.17] 發表
【明報專訊】立法會發展事務委員會上周末組團北上考察東江水兩日，隨行嘅發展局長馬紹祥噚日以「考察東江 加強溝通」為題發表網誌回顧行程，形容「民生無小事」，無論本地或內地輸港嘅食水，政府都會做好水質監測工作，確保市民飲用時放心。馬紹祥又話，期望議員日後有更多機會到內地考察，就唔同議題坦誠交流，增進彼此互信了解。
今次考察團除咗社民連梁國雄順利入境內地成為焦點，東江水質素同收費模式都係議員關心嘅議題。馬紹祥形容，「千里之行，始於足下」，議員透過考察團實地了解供水系統運作，親身觀察水質，亦直接同廣東省當局交換意見，可以釋除過去一啲疑慮。
佢話相信考察團有助議員深入了解東江水供水系統運作，以及內地喺保護供港水質方面所做嘅工夫，從而加深雙方溝通同了解。
更多港聞
相關新聞
