橫州村民流淚批評：工程先撥款後諮詢
[2017.04.01] 發表
【明報專訊】房委會噚晚喺元朗朗屏邨一間學校搞橫洲首期公屋發展計劃諮詢會，百幾個市民出席，朱凱廸同姚松炎等多個立法會議員都有到場。立法會財委會早前喺主席陳健波剪布之下通過基本工程綑綁撥款，當中包括橫洲工地平整工程，有橫洲居民噚晚喺諮詢會場外示威，要求撤回橫洲計劃，堅持「不遷不拆」，激動起嚟仲一度喊咗。佢哋批評，財委會已通過撥款，但房委會噚晚先展開諮詢會，完全無意義，要求候任特首林鄭月娥同相關官員落區同村民會面商討。
更多港聞
相關新聞
