抗議港鐵孭背囊廣告 兩人參加 梁金成﹕不以人數定成功

[2017.03.13] 發表

【明報專訊】車廂成日迫爆嘅港鐵最近炮製咗條勿做「孭嘢人」短片，形容背囊客郁嘅時候好似碰碰車咁會撞親人，惹起部分網民不滿，本土派梁金成(金金大師)覺得呢個廣告針對孭背囊嘅乘客，噚日就拎住標語，喺港鐵發起「快閃」行動抗議，批評「港鐵玩批鬥」，但參加人數加埋佢只有兩個，名副其實小貓兩隻。

港鐵：廣告因乘客意見而拍

港鐵就話，之前收過乘客意見，話有乘客無為意自己個背囊可能影響其他乘客，仲希望公司宣傳一下，所以港鐵拍廣告，提醒一啲有較大型背囊嘅乘客，搭車時可以嘅話就放低背囊。

批無提醒拖篋客雙重標準

噚日下午3點幾，梁金成同另一個男仔孭住背囊、拎住「港鐵玩批鬥背囊客起義」、「孭嘢有罪！！拖篋有理？！」等標語，喺港鐵旺角站搭到尖沙嘴站，其間有港鐵職員維持秩序，並無阻止佢哋。

梁金成質疑，點解港鐵呢個廣告淨係針對背包客，而無一併提醒拖篋等乘客，叫港鐵收起廣告。不過噚日連埋佢自己，都係得兩個人參加行動，係咪太少呢？梁金成就回話唔會用人數衡量行動係咪成功喎。

更多港聞

【明報專訊】3個特首候選人噚日首次同場較勁，出席教協舉辦嘅選舉論壇。嚟緊亦都有兩場論壇畀3人繼續較量，包括聽日由七大電子傳媒舉辦嘅選舉論壇，... 詳情

【明報專訊】中文大學及香港大學合辦嘅第14屆兩大校長盃教職員足球友誼賽，噚日朝早喺中大崇基學院嶺南運動場舉行，由中大校長沈祖堯（右）同港大校... 詳情

【明報專訊】香港道教聯合會噚日舉辦「第十七屆香港道教日」活動，有「仙真出巡暨儀仗巡遊」，今年巡遊焦點之一，係由夏德建父子送贈嘅巨型羅傘。呢件... 詳情

【明報專訊】在港工作嘅30多萬外籍家庭傭工，為香港家庭貢獻良多，國際移民組織香港特區辦事分處和基督教勵行會外籍傭工服務中心，就趁3月8日婦女... 詳情

【明報專訊】吳穎兒架着眼鏡，說話時有點靦腆，提起媽媽時更流露小女孩般的笑容，但原來她曾在毒禍中掙扎。穎兒小學時仍是「乖乖女」，升中後誤交損友... 詳情