美國啦啦隊花市行大運

一班參與花車巡遊嘅美國啦啦隊成員趁住綵排前空檔，去咗旺角「行大運」，仲同擺年宵攤檔嘅學生合照留念。（旅發局提供）

【明報專訊】聽日就係大年初一，夜晚8點尖沙嘴一帶會舉辦新春花車巡遊匯演，其中一支國際表演隊伍「美國洛杉機公羊啦啦隊」，部分隊員噚日朝早已經嚟到香港，仲入鄉隨俗去旺角「行大運」，行程包括20個「好運景點」之一嘅雀鳥公園、旺角花墟同年宵市場，感受下農曆新年氣氛。見佢哋蹲低研究籠中鳥，又玩風車、食冰糖葫蘆，兼同售賣卡通雞公仔嘅年宵攤檔學生影相留念，隔住張相都感覺到佢哋好開心。Emily聽講，有啲隊員今次第一次嚟到亞洲，所以覺得好新鮮。

提提大家，巡遊匯演會喺文化中心廣場出發，10架花車同26隊表演隊伍經廣東道、海防道及彌敦道，最後以喜來登酒店為終點，想覇靚位就要趁早。匯演雖然8點開始，但巡遊路線由傍晚6點開始就有熱身派對，近350個年輕人會化身「開運buddy」大派1.3萬個開運福袋，旅發局仲邀請嚟自俄羅斯嘅「糖果大師」David Shtorm一邊跳Moon Walk舞步，一邊製作造型特別嘅棉花糖，派畀現場觀眾，一齊送猴迎雞。

更多港聞

十大議員榜 涂謹申蟬聯第一

【明報專訊】港大民研噚日公布立法會議員排名同評分，結果顯示，早前被司法覆核的4名議員包括羅冠聰、梁國雄、劉小麗、姚松炎，市民認知率高企，全部... 詳情

美駐港領事館搞嘢短片拜年

【明報專訊】美國駐香港及澳門總領事唐偉康（圖）受到「觀音大使」指點迷津，成功「點醒」領事館嘅同事？雞年將至，美國駐香港及澳門總領事館噚日喺f... 詳情

職工盟要求超市收銀員有櫈坐

【明報專訊】之前有藝術工作者以唔同形式為超級市場收銀員同保安員爭取有張「工作座椅」，職工盟亦喺其中一個全港最大超級市場嘅分店調查，喺154間... 詳情