反彩虹獅子前夕 聯署網疑被破壞
[2016.12.12] 發表
【明報專訊】為咗表達對LGBT(不同性傾向及跨性別人士)嘅尊重，匯豐早前喺中環總行樓下擺咗一對「彩虹獅子」，但惹嚟「性傾向條例家校關注組」批評，組織星期三仲會去「彩虹獅子」嗰度，將反對聯署表交畀匯豐。但組織召集人黃偉明噚日話，用嚟收集簽名嘅google聯署表，喺9號開始收唔到聯署資料，之後即使收到，但文字全部變成亂碼，𠵱家唯有改用另一個平台收集聯署。
黃偉明話，google文件嘅安全度唔高，可能係有人惡意破壞聯署文件，令資料有損毁。佢仲話，如果真係有人特登破壞聯署表，估計有可能係支持同性戀運動嘅人士、google或者匯豐銀行人士所為。
而匯豐就該組織周三去表達意見一事無新回應，只係重申尊重個人信念同追求平等係公司核心價值。
更多港聞
學校引入編程器 每部140元 高小生寫程式跨學科解難
【明報專訊】深井天主教小學本學年引入微型編程器micro:bit，供高小生學編程，學生要融會不同學科知識設計解難方案，如利用水可通電的特性，... 詳情
相關新聞
