被問出選紅綠燈 財爺笑笑口嘟嘟嘴
[2016.12.03] 發表
【明報專訊】特首選戰即將打響，有傳媒日前聲稱，財政司長曾俊華訪京時曾私下密會港澳辦主任王光亞，不過回應就係亮「紅燈」，唔贊同財爺出選。財爺噚日接連出席多場活動，傳媒當然好關注佢有咩回應，但無論點追問，財爺只係笑笑口嘟嘟嘴擺手行過，似乎心情無受影響。
財爺噚日中午先出席香港出口商會聚餐，談及中小企發展，席間佢話政府同商界嘅協同合作係社會重要一部分。其後佢又出席社企活動，提及政府多年來以「民間主導、政府支持」嘅方針推動社企。不過佢致辭全程都無透露過「天機」，睇嚟想觀戰，大家都要再等等啦。
更多港聞
【明報專訊】想了解廣東著名海盜張保仔，除咗去長洲張保仔洞同睇電視劇，仲可以點？倫敦畫商Roger Keverne最近就送咗一幅19世紀清代海...
詳情
相關新聞
