【明報專訊】噚日係港鐵學院開幕日，最矚目係場內有個港鐵模擬駕駛器，特首梁振英應記者要求坐落去玩吓，點知準備出發嗰陣，眼前熒光幕突然黑晒冇嘢睇！ 話說CY參觀學院途中對港鐵職員介紹嘅模擬駕駛器有興趣，喺在場記者要求下坐上駕駛席準備出發。特首喺導師指導下撳掣閂門，再按指示留意控制台上確定所有門閂好，點知畫面突然「跳掣」變黑。 呢個時候導師、企喺隔籬嘅港鐵主席馬時亨、勞工及福利局長張建宗連同CY本人，一直低頭研究緊個控制板，到抬頭發現熒光幕黑咗，唔知發生乜事嘅CY企起身想離開「駕駛席」，就喺眾人準備轉身離開，熒光幕又突然着番！CY又即刻轉身「重返崗位」，喺指導下撳掣開車。 鬆手停車 「旅程」僅19秒 列車離開車站之後加速，導師提醒化身港鐵車長嘅特首要一直撳住掣，但「旅程」開始19秒後架車突然停咗，導師解釋「因為你鬆咗隻手，咁就停咗啦」，呢個時候CY似乎已經玩夠，企起轉身微笑離開，無回應到記者就廉署是否有邀請佢接受調查嘅提問就走咗。
|
| |
| |
;){kind=small}
;)
