梁繼昌屋企焗爐爆炸 香蕉蛋糕報銷

[2016.10.22] 發表

【明報專訊】噚日香港受「海馬」影響，日頭大部分時間都掛8號風球，唔少市民都留喺家中，立法會議員梁繼昌(Kenneth)都唔例外。但佢噚日朝早喺屋企焗蛋糕嗰陣，焗爐發生小爆炸，玻璃碎爆到一地都係，最慘係連入面嘅蛋糕都報銷埋。

Kenneth話，呢個焗爐已經用咗幾年，係德國貨，仲要星期一先有人嚟維修過。佢講笑咁話，颱風都未打到嚟，點知自己就差啲畀焗爐嘅小爆炸炸死。早排三星手機Note 7發生連串爆炸事故，就有網友問Kenneth係咪放咗部三星Note 7入去先搞到爆炸。

睇佢貼上facebook嘅相見到，爆炸後屋企地下有好多玻璃碎，焗爐入面仲有個焗模。Kenneth講笑咁話，唔使勞煩法律界議員郭榮鏗幫佢點算損失，都已經知道焗爐入面嘅香蕉蛋糕一定報銷咗。

更多港聞

【明報專訊】立法會呢排都好熱鬧，連建制派都玩埋拉隊離場流會。立場鮮明嘅民建聯葛珮帆（EQ）前日就喺facebook留言問大家，係咪支持繼續流... 詳情

【明報專訊】香港噚日掛8號風球，但其實包括Emily在內好多人都要如常返工。特首梁振英（CY）噚日就喺facebook出帖，話「衷心感謝大家... 詳情