唔播《城市論壇》 無綫舊節目頂空檔

【明報專訊】港台議政節目《城市論壇》不再於無綫翡翠台播放，大家都想知該時段無綫會安排乜嘢新節目。Emily喺無綫網上節目表睇到，周日起原有時段會重播2012年嘅節目《快樂地圖》。另外，無綫亦已喺9月初，於上晝11點推出新議政節目《周日龍門陣》，主持係中央政策組特邀顧問黃永，同埋香港電台顧問委員會主席陳建強。

中策組顧問搭梁粉 主持新節目

Emily翻查資料，黃永曾擔任商業電台策劃總監，並喺該台主持多個時事節目。而本身係牙醫嘅陳建強曾任梁振英競選團隊成員，曾撰文話現時傳媒編輯自主「過分神話化」；佢上個月獲政府委任為香港電台顧問委員會主席，負責對港台編輯方針提建議。

港台節目製作人員工會主席趙善恩同Emily講，如果陳建強做無綫節目主持，又要「就關乎港台節目編輯方針、節目標準及質素的事宜向處長提供意見」，身分上實在比較尷尬，特別當討論時政時，若陳道出政治立場，難免會令人覺得佢向處長就節目提意見時會有「政治建議」。Emily搵過陳建強回應，至截稿前未獲回覆。

更多港聞

中秋送暖 陳葒校長明哥拍住上

【明報專訊】提供免費補習服務嘅陳葒校長、供應免費飯盒嘅「深水埗明哥」陳灼明，噚日走埋一齊，原來係馬會慈善及社區事務執行總監張亮「撮合」兩人，... 詳情

阿廷接棒 卿姐大把工作交託

【明報專訊】民主黨候任議員林卓廷成功喺新界東接棒，令黨主席劉慧卿鬆一口氣，噚日卿姐同阿廷一齊見記者，交代工作交接安排。民主黨年底會選出新主席... 詳情

資質差 朝七溫到晚一 只求有盡力 校長陪子苦讀練堅毅

【明報專訊】廠商會中學校長麥耀光的兒子自小成績欠佳，麥會「朝七晚一」陪他備試，結果還是換來「滿江紅」成績表，他卻從不責備。他說，要兒子「瞓身... 詳情

教科書加價幅度 中四5.4％最多

【明報專訊】消委會調查發現，今年小學及中學學生平均購買教科書費用分別2497及2619元，按年升2.7%及2.9%，加幅較去年低，但略高於通... 詳情

時事通識教材

【明報專訊】（請看附圖） 詳情