「好天曬落雨淋」 葉劉入院了 再缺席選舉論壇

【明報專訊】新民黨葉劉淑儀真的病倒了，仲公布要入院休息。葉太噚日喺facebook話，自己病咗近3星期，食過抗生素同類固醇，但病况一直未有好轉，持續發燒。葉太聽醫生建議，噚日入院休息。

持續發燒 咳到面色變

據Emily所知，葉太噚日朝早咳到面色都變埋，身邊友好隨即勸佢去睇醫生，葉太亦喺下午入院。其選舉部署亦因此被打亂，本來葉太已準備出席噚晚有線電視舉行嘅選舉論壇，最後都要由拍檔陳家珮同王政芝等出席。葉太身邊人話，葉太未來仲去唔去到其他選舉論壇，要視乎佢幾時出得院。

葉太喺facebook話，聽到醫生建議要入院休息時「有點激動」，因為擔心餘下嘅選舉工作。佢又話，個女和同事都話佢太過操勞，「晨早到夜晚，好天曬落雨淋，又冷又熱，一星期工作足足七天」，因此大家紛紛叫佢多休息。葉太又話，好彩團隊為佢分擔繁重嘅選舉工作，希望休息過後，可以盡快返回崗位，預備選舉。

早前被對手質疑詐病

葉太早排無出席港台論壇，只派選舉拍檔出席，並指自己有病，但同日下午就去咗石澳拉票兼有街坊請佢食多士，結果選舉對手乘機質疑佢係咪有病。

香港島其他候選人包括﹕黃梓謙、劉嘉鴻、何秀蘭、張國鈞、詹培忠、鄭錦滿、羅冠聰、沈志超、王維基、徐子見、司馬文、許智峯、陳淑莊、郭偉強。

更多港聞

電視台突擊測試 游蕙禎要人提水

【明報專訊】今年九龍西直選有唔少花生食，其中青年新政游蕙禎不時成為話題人物。有線新聞有個叫《和你SaySay》嘅選舉特輯，走勻各區突擊測試立... 詳情

民主思路問重啟政改立場 5張名單覆

【明報專訊】派兩人參選立法會嘅民主思路，上星期以電郵邀請地區同功能組別140個候選人，就支唔支持重啟政改表態，不過截至噚日得5張名單覆咗，當... 詳情

民建聯四大佬拍片教投票

【明報專訊】立法會選舉仲有兩星期投票，政黨都好着緊支持者會點投票，民建聯「四老」﹕立法會主席曾鈺成，議員譚耀宗、葉國謙同陳鑑林唔再競逐連任，... 詳情

港大民調問法 改用「讀出頭兩人」

【明報專訊】民主動力同3間傳媒委託港大民研做立法會選舉滾動民調，了解市民對候選人嘅態度，但唔少候選人嘅支持度都幾大上大落，搞到部分民主派同自... 詳情

自由黨陳浩濂承諾站總商會一邊

【明報專訊】立法會商界（第一）嘅選舉今次由自由黨陳浩濂挑戰現任議員、經民聯林健鋒，由於林健鋒唔肯同台辯論，總商會就安排兩場閉門座談會，等會員... 詳情