【明報專訊】充滿童年回憶的荔園今年載譽回歸，移師到亞洲國際博覽館舉辦，陳倩揚一家三口跟年輕代表糖妹(黃山怡)昨日應《明報》邀請齊齊參與試玩。倩揚兩個囝囝分別5歲及1歲半，大仔羲廷對巴士愛不釋手，而他打籃球又踢足球，成功在攤位贏得獎品。至於糖妹原本想試玩高卡車，可惜碰上落大雨，幸好其他遊戲都在室內，她改玩碰碰車，同樣玩得痛快。 哥哥羲廷打籃球踢波顯身手 「荔園返嚟喇！」聽到這個好消息，不少大人同小朋友都非常興奮，陳倩揚昨日帶同兩個囝囝一齊試玩，5歲的羲廷和1歲半的羲穎都相當可愛，兩兄弟對車車情有獨鍾，特別是羲廷，見到「下一站荔園」區中擺放的幾架迷你巴士，即時衝上車做司機，抱住軚盤愛不釋手，倩揚說：「雖然平日會開車，但都常常帶他們接觸公共交通工具，兩個男仔特別喜歡車，他會叫我扮乘客，要入錢、戴好安全帶等，做一個好好的車長。」 室內唔怕好天曬落雨淋 倩揚帶兩兄弟玩盡「開心呠呠車」、「彩虹波波池」、「吸蕉大笨象」、「DINO Dum Dum跳」等，由恐龍屋演變成吹氣恐龍彈牀，分外有親切感，難怪羲廷入到去都跳個不停，而且他跟弟弟在攤位遊戲區更一展身手，好動的哥哥羲廷打籃球及踢足球都有板有眼，最終贏得公仔做禮物，非常開心。倩揚雖然湊住兩個小朋友比較吃力，但她不覺得辛苦，最重要兩兄弟玩得開心，她說：「放暑假是他們開心的日子，我都安排了不少興趣班給他們，主要是玩玩輕鬆一下，不過暑假都是我工作旺季，所以要好好分配時間去陪他們。今次荔園在室內舉辦，適合如我一樣怕曬的家長，而且天氣太熱，有冷氣小朋友玩得盡興一點。」 糖妹望下次挑戰高卡車 至於年輕人代表糖妹，當然最期待是今年新增設的「高卡車XRace」，不過試玩期間落大雨，糖妹最終只能夠在高卡車模型上試玩，她說：「這個一定好刺激，事前要上安全課堂同著好安全裝備，所以一定會好安全，希望下次可以嘗試到。」今次荔園選在室內場地舉行，在落雨天氣玩就最好不過，她說：「碰碰車都一樣是車，而且大家都玩得好狼，好刺激，我覺得好開心是有『吸蕉大笨象』的掟蕉同拋階磚遊戲，最有荔園的經典特色，好多回憶都回來了。」 糖妹稱小時候去過荔園玩，最深印象是旁邊的蠟像館，沒想到長大後有機會再重踏荔園玩遊戲，非常難忘， 她說：「今年加入人氣卡通『妖怪手錶』的主題和香港插畫師筆下的蘇飛，齊齊陪小朋友放暑假，相信大家一定好開心，我都不執輸，捉實荔園吉祥物恐龍仔DINO影張合照留念。」 記者：楊安莉 攝影：鍾偉茵 ■更多娛樂猛料 ﹕ol.mingpao.com
|
| |
| |
;){kind=small}
;){kind=small}
;){kind=small}
;){kind=small}
;){kind=small}
;){kind=small}
;){kind=small}
;){kind=small}
;){kind=small}
;){kind=small}
;){kind=small}
;)
