馬時亨做外公好興奮
[2016.06.21] 發表
【明報專訊】港鐵主席馬時亨終於如願升呢做外公。馬時亨大女馬露明噚日透過公關報喜，話凌晨喺山頂明德國際醫院順產誕下愛兒，重6磅5安士，母子平安。身處華沙出席新絲路論壇嘅馬時亨話感到萬分興奮，希望盡早回港探望孫仔。
馬時亨外孫取名劉智恒，英文名Christian，係BB父母一齊諗嘅，佢哋係教徒，希望Christian成為愛主嘅人，有神嘅智慧及有恒心。
馬露明為德育學校JEMS(Junior Excellent Member of Society)嘅創辦人和校長，丈夫劉仲恒係放射科醫生及願望成真基金主席，為患重病嘅兒童實現願望。二人都話好鍾意小朋友，認為健康快樂並非必然，所以希望兒子有好品格，學會感恩，當然仲有健康快樂成長啦。
更多港聞
食品業代表提議案 瑞典工會都關注銅鑼灣書店事件
【明報專訊】銅鑼灣書店店長林榮基上周返港爆料兼參加遊行，工黨主席李卓人並無現身參與，原來阿人有嘢做，去咗喺瑞典舉行嘅瑞典總工會大會活動（LO... 詳情
【明報專訊】職業訓練局轄下香港高等教育科技學院（THEi）過往安排學生到外國修讀暑期課程時，學生須同時付學費予當地院校及THEi才能轉移學分...
詳情
相關新聞
