梁君彥內會斥「拉布」 泛民集體離場表不滿
[2016.05.21] 發表
【明報專訊】政界早前傳出，經民聯梁君彥(Andrew)將接棒曾鈺成做下屆立法會主席，不過佢做內會主席嘅處事手法，就一直畀泛民質疑偏頗。噚日喺立法會內會，梁君彥再次差啲同人民力量陳偉業開火，仲搞到泛民集體離場表達不滿。
擔心會期不足討論扶貧泛民捱批
事關噚日討論到係咪要優先編配扶貧小組委員會報告辯論，有泛民關注剩低會期唔多，擔心無足夠時間。Andrew就多口反駁，「機會喺議員手度」，怪責有人「拉布」。呢句話隨即激起大舊不滿，佢拍枱大罵「白癡、噏得就噏」，不過Andrew亦唔示弱，將對方趕離場。多個泛民議員就一齊離場抗議。
泛民會議召集人何秀蘭會後批評，梁君彥嘅講法「小學雞，撩交嗌」。大舊亦強調人力無否認過去拉布，但早前已停止拉布行動，話梁君彥扭曲事實，不負責任。不過Andrew就否認呢句話係挑釁，而係有議員「對號入座」。佢又話，議員有無拉布，公眾有目共睹，自有判斷。
更多港聞
東九現「特首要變」橫額 Paul：多謝二次創作口號可重見天日
【明報專訊】「香港須改，特首要變」橫額重現九東！有「西環契仔」之稱嘅立法會議員謝偉俊（Paul），早排喺街頭掛呢個「要變」嘅橫額，橫額無耐就... 詳情
【明報專訊】行政會議成員陳智思，多年來都被視為特首黑馬人選，雖然外表好健康，但其實佢18歲證實患上血管收縮病症高安氏動脈炎，做過多次手術，初...
詳情
相關新聞
