黎明網售個唱影碟5小時逾1萬粉絲搶購 咖啡廣告花絮再爆銀句

黎明網售個唱影碟5小時逾1萬粉絲搶購咖啡廣告花絮再爆銀句

[2016.05.17] 發表

【明報專訊】黎明(Leon)在這個5月很忙，他的粉絲亦特別忙。繼5月完成8場演唱會後，日前黎明的咖啡廣告一出掀搶購咖啡熱，不飲咖啡的都要買幾盒放在茶水間以示支持。黎明在演唱會預告個唱將推出影碟，他盡量會給大家簽名。昨日他做「找數」真漢子，由「明福俠」登場公布演唱會Blu-ray在網上預購，售價200元，其中20元捐慈善機構。網上開售才5小時，認購人數已逾1萬，成功達標！

昨日黎明又變「明福俠」在facebook現身，寫道：「自由買賣冇壓力！」原來是售賣演唱會影碟，29秒視頻，他一輪嘴說：「其實你愛定係唔愛係冇得揀，冇得逼㗎，你鍾意買就買，唔買就唔會逼你買，OK？自由選擇就最好喇，由𠵱家開始10日內，喺上面個online store，即係呢個page第一頁，你click入去就可以決定到買定係唔買，10日之內做唔到一萬隻，我哋就唔賣㗎喇。唔好話我唔提你，一個唔覺意你走快咗，你就有炒賣價值，哈哈！哈哈！哈哈哈哈！」在黎明的號召下，粉絲留言個個話要買；結果5小時，預購人數已超過1萬。

office有女生可穿比堅尼

黎明與「腦細」林日曦的《情深咖啡未曾飲》在fb上載兩日，瀏覽次數已逾350萬，逾19萬個like。昨日有拍攝花絮曝光，鏡頭前的阿明講金句、鏡頭後的黎明爆銀句。花絮片段有幕後表現好風騷的黎明，跟眾人談笑時，林日曦慘慘豬無人理。黎明開聲就話「在office有些女生可能穿比堅尼、變熊貓或健身的男人可以打拳，社會要轉，如果人人做事都係咁樣……地球現在怎會有iPhone與Android？」、「一間公司什麼類型的員工都有，唔應該用同一角度去睇員工」。廣告中，阿明講過層次高的員工，黎明在鏡頭後有補充，他說：「無層次低嘅人，只有自甘墮落嘅人。」

錯用side light變核突人

他又重提在fb直播難食的熱狗事件，繼續說那隻熱狗很難食，熱狗腸起碼是紅色的，但那條熱狗腸是淡黃色的。黎明拿着反光板玩也有道理講，說打光很重要，最重要光適合自己，若夾硬用side light，即是將自己個樣變成令人不能接受的核突人。

林日曦見「阿明」Hang機

林日曦昨日再分享首次見黎明的感覺，他寫道：「第一次開會，見到阿明第一眼，我係完全Hang咗機。我話：『好夢幻…真黎明坐咗喺我前面…』，點知阿明話：『我同你一樣感覺，我見到你嘅感覺，就好似你見到黎明嘅感覺一樣。』」高人如腦細都唔係好明阿明的說話，阿明補充：『因為我有喺你嘅角度諗，可能你冇喺我嘅角度諗。』」林日曦領略了傳說話的Leon「銀句」。

娛樂組

■更多娛樂猛料 ﹕ol.mingpao.com