30年前做過西貢政務處 林鄭自認西貢人
[2016.05.02] 發表
【明報專訊】祖籍浙江嘅政務司長林鄭月娥早幾日出席一個浙江社團活動時好受歡迎；噚日佢去到西貢鹽田梓村，擔任鹽田復修動土禮嘅主禮嘉賓時，就話自己係西貢人，何解？林鄭發言時話，佢30年前擔任過西貢政務處嘅助理專員，所以30年前就已經當咗自己係西貢人咁話。
為鹽田梓攞遺產保護獎自豪
林鄭月娥話，見到鹽田復修項目獲得2015年聯合國教科文組織亞太區文化遺產保護獎嘅傑出項目獎(Award of Distinction)，實在可喜可賀，今次係香港第一個項目獲得呢項殊榮，覺得喺缺乏資源下做到咁嘅成績，替村民感到非常自豪。
林太話，鹽田梓作為擁有近300年歷史並具天主教特色嘅客家村落，匯聚客家文化、宗教文化同自然生態面貌於一身，為咗保留村落文化同風貌，村民仲組成鹽光保育中心，開展鹽田同村屋復修。
更多港聞
【明報專訊】財爺曾俊華網誌轉口味，唔講香港人身分，講番經濟，噚日就大談再工業化，要做「Made in Hong Kong」。
發展高科...
詳情
相關新聞
