明宣誓做議員 先拜會秘書長 貪靚楊岳橋自稱著cheap西裝

楊岳橋（左）噚日喺選舉新聞中心獲一名女子（右）送花祝賀並擁抱，有人以為佢係岳少女友，其實佢係競選團隊成員之一Susan，岳少女朋友無現身。（鍾林枝攝）

楊岳橋周三會宣誓就任議員，而立法會秘書處就好快手為佢準備辦公室，辦公室水牌亦都換上「楊岳橋議員」字樣。

【明報專訊】勝出新東補選嘅公民黨楊岳橋(岳少)明日就會喺立法會宣誓做議員，作為議會新丁，岳少話雖然有前輩協助，但心情都有啲戰戰兢兢，噚日朝早已經去拜會立法會秘書長陳維安。聽日岳少就會開始參與審議《2014年版權(修訂)條例草案》，佢話願意喺會議上提供法律觀點同理據；至於會唔會獻出點人數嘅「第一次」？岳少話呢啲策略當然係團隊合作去做。

參與審議版權例

周六及周日因為要拉票，岳少總共只係瞓咗個半鐘，噚日當選後，佢一早就要出席電台節目，之後開記者會，隨後就去謝票，夜晚再出席電視台節目。Emily呼籲岳少去立法會開會前一定要好好休息，皆因到時所有鏡頭都會對住佢，被人影到喺議會恰眼瞓就唔係幾好啦。

自言「貪靚」嘅岳少，落區拉票都堅持時刻打呔、著皮鞋，一絲不苟，佢噚日出席商台節目《在晴朗的一天出發》時，被問到咁嘅行頭，會唔會影響日後喺立法會嘅抗爭行動，岳少笑住話自己啲西裝都係cheap嘢嚟，唔妨礙工作嘅。

Emily噚日趁公民黨記者會時，問過岳少啲西裝cheap到幾錢，不過岳少只係笑笑口，死都唔肯講。

更多港聞

新攝石人黎汶洛「現身」奧斯卡

【明報專訊】學民思潮前成員黎汶洛（Oscar）瞓身支持公民黨楊岳橋補選，不但因為助選而退出學民，更全天候陪住楊岳橋拉票，結果記者、市民影楊岳... 詳情

消防海上演習 避風塘大火事主示威

【明報專訊】上年9月筲箕灣避風塘發生三級火，引起唔少人關注消防嘅海上救援工作。立法會保安事務委員會一行6人，包括主席葉國謙，委員馬逢國、林大... 詳情

夏春秋出山 今主持1億六合彩攪珠

【明報專訊】1億元六合彩今晚攪珠喇！為隆重其事呢個慶祝六合彩40周年嘅活動，馬會請番差不多已成為六合彩圖騰嘅前主持人夏春秋「冬叔」出山，聯同... 詳情

紀文鳳任街舞劇監製 劉鳴煒客串

【明報專訊】近日因港大校委會風波而為人熟悉嘅校委紀文鳳，身兼協青社執委，仲已經第三年做該社街舞表演嘅項目統籌及執行監製。佢話前年第一次參與，... 詳情

翻轉教室 45%學生感有效 兩成不認同 主因沒備課睇片難明

【明報專訊】愈來愈多學校推行「翻轉教室」，學生上課前要先看教學短片，以騰出課堂時間供師生一起討論和解難。青協「青年創研庫」訪問432名曾體驗... 詳情