【明報專訊】一曲《我們都是浸大的》令唔少香港人都知道，今年係浸會大學60周年校慶，原來除咗首歌外，喺嚟緊嘅星期六，該校搞咗個「浸大健樂日」，誠邀全港市民嚟浸大參加老少咸宜嘅活動，當日浸大中醫藥診所亦有義診服務，仲免費為睇症嘅市民執兩劑中藥。 有健康講座 又派紀念品 當日活動主要喺九龍塘聯福道逸夫校園及浸會大學道校園舉行，包括中醫諮詢、有機市集、親子瑜伽、書法班、教市民備戰馬拉松等；仲有40節工作坊同健康講座，可惜大部分都滿咗額，但唔使失望，因為據Emily所知，當日都有幾多紀念品㗎，例如24節氣postcards，每張教埋你食咩或者做咩好，唔知係唔係送完即止呢。 浸大60周年校慶特別活動籌備委員會主席、新鴻基金融集團CEO梁永祥回應《我們都是浸大的》時話，知道校友都唔係專業歌手，但條片嘅目的都係「帶起氣氛啫」。長實執董趙國雄亦係籌委會成員，佢就希望市民都覺得啲活動啱使啦。
|
| |
| |
;){kind=small}
;)
