現性感「朋友」 CY fb稱平安夜被侵 網民cap圖﹕雙方11月已做friend

特首辦話CY個fb懷疑喺12月24日被黑客入侵，「被他人加入一些『新朋友』」；網民Andy就cap咗張圖，話CY嘅fb早於11月已經加咗幾個台灣女子做「朋友」。（facebook圖片）

【明報專訊】特首梁振英(CY)自從開咗個facebook戶口，一路都引起好多關注，但要加佢做「朋友」就唔係咁容易。究竟特首會加咩人做「朋友」呢？《壹週刊》就報道，上星期平安夜，CY fb 400幾人嘅朋友名單突然彈出，仲發現帳戶原來一路都追蹤住一班低胸性感嘅台灣女子。

特首辦已報警

Emily見到就問吓特首辦，特首辦就話CY個fb於12月24日下晝懷疑被黑客入侵，部分資料及設定仲畀人改過，仲話畀人加咗啲「新朋友」，當日已經報咗警；但特首辦聲明就無交代呢班性感台灣女子係咪佢「朋友」，只係話部分資料及設定被他人修改、部分帖文被他人刪除、「被他人加入一些『新朋友』」。

不過，Emily就見到網民Andy喺自己fb上載咗張截圖，話CY嘅fb原來於11月已經加咗幾個台灣妹做「朋友」。呢位網民同Emily講，話CY一開fb，佢就想加CY做朋友，雖然CY無接受邀請，但唔知點解11月時佢就喺fb嘅「建議朋友」見到3個台灣妹用戶，仲寫住「friends with CY」，佢覺得幾得意，就cap咗圖同朋友笑吓。

特首辦話CY嘅fb平安夜畀黑客入侵，先加咗啲新朋友，Andy話佢「見到就笑咗出嚟」，於是就推番11月當日嘅cap圖出嚟。特首辦回應話，單案警方查緊，暫時無進一步資料可以提供。

警方就話，當日收到特首辦報案，單案列咗做「有犯罪或不誠實意圖而取用電腦」，交由網絡安全及科技罪案調查科跟進調查。

更多港聞

網友質疑西貢營地被長佔「出租」

【明報專訊】西貢灣仔南營地近日被發現有大批空置帳幕，惹來露營人士不滿，懷疑有人長期佔用營地，有網友喺網上話事件涉出租帳幕牟利。記者噚日到訪現... 詳情

新思維擬新東補選 指「𠝹票」說法侮辱

【明報專訊】立法會新東補選下周二正式接受提名，有意出戰嘅各路人馬開始明朗化。標榜中間路線嘅新思維亦拍板派人選，但人選未傾掂數，黨內要再爭一爭... 詳情

CY要地起樓 葉劉唱反調

【明報專訊】「任何拖慢土地供應的動作，客觀上都會減少供應，增加樓價和租金的上升壓力，最後，是誰受害？是誰得益？」特首梁振英（CY）今年8月喺... 詳情