王庭聰嫁女筵開150圍 梁錦松阿叻到賀
[2015.12.28] 發表
【明報專訊】港區人大代表王庭聰細女王麗盈(Teresa)噚晚出嫁，喺會展筵開150席，唔少政商界人士都有到賀，Teresa同文宇軒(Jason)結束12年愛情長跑拉埋天窗，王庭聰上台致辭時坦言，當年覺得佢哋太細個拍拖，唔贊成佢哋一齊，但兩人堅持行到今日，希望佢哋繼續堅持行落去。
做唔少慈善嘅王庭聰，表明婚宴收到嘅禮金都會捐畀慈善機構，當然唔少得佢一向支持嘅慈善團體小母牛啦。
唔少政界人士都到賀，好似前財政司長梁錦松、前商務及經濟發展局長馬時亨，港區人代如馬豪輝、雷添良，福建幫如盧文端、楊孫西、洪祖杭等都有到場，而早前喺電視節目批評黃之鋒入唔到八大嘅藝人陳百祥亦有到賀，仲同梁錦松幾好傾𠻹。
更多港聞
首批5架電動巴投入服務 網民怕着火 新巴：做好測試
【明報專訊】為咗減輕本港空氣污染，政府早前用1.8億元公帑向比亞迪公司買咗36架單層電動巴士，首批嘅5架喺噚日同今日開始陸續投入服務，試驗兩... 詳情
相關新聞
