【明報專訊】特首夫人梁唐青儀因為曾經穿著一身紅色晚裝而被網民揶揄為「龍蝦」，佢噚日出席活動時，就話最鍾意食龍蝦伊麵，唔知係咪特登幽自己一默呢？梁太出席工展會嘅「名廚齊惜福」活動時，分享屋企人喜歡嘅日常菜式，佢話特首梁振英(CY)最愛食水餃，過年時一家都會自己包水餃，至於三個仔女就鍾意傳統菜，例如咕嚕肉同埋蒸鯇魚，而梁太自己就最鍾意食龍蝦伊麵。佢話好喜歡做菜，不過平日好少機會下廚。 梁太透露聖誕節成家人會去馬來西亞玩。不過前日做冬，CY就上京述職，佢嘅facebook帳戶(leung.cy.108)噚日一度停止運作，下晝先「翻生」。 CY fb一度停止運作 CY嘅facebook相當惹火，早前佢上載與Beyond成員黃家強合唱《喜歡你》嘅影片，被網民質疑違反版權修訂條例。佢之後上載Hello Kitty包點圖片，亦再引起侵權疑惑。 特首辦噚日回覆Emily話，已詢問facebook「為何今天(昨日)早上出現短暫的未能運作」，正等候fb回覆，強調梁振英fb會繼續運作。
|
| |
| |
;){kind=small}
;)
