大欖越野單車徑新段啟用
[2015.12.12] 發表
【明報專訊】越野單車愛好者有喜訊，大欖郊野公園田夫仔北段越野單車徑新段噚日正式登場。漁護署公布，長5.9公里嘅新段，連接田夫仔段同荃錦段越野單車徑，其中2.1公里係中等難度，適合有一定越野單車技術水平嘅車友；其餘3.8公里屬於高難度，路面狹窄多彎，沿途有碎石坡道、連串小跳台等，要有豐富經驗同技術先駕馭得到。
呢段仲係全港首條設有標距柱嘅單車徑，一旦發生緊急事故，就可憑標距柱上坐標，準確通知搜救人員。
漁護署話，之前舉辦過6次建設義工日，得到唔少越野單車團體支持，合力修築部分路段。署方提醒市民，越野單車嘅車速一般頗高，郊遊人士應盡量避免走入越野單車徑範圍，免生意外；如果想去河背丶田夫仔或者大棠，可以用附近其他登山徑。
更多港聞
相關新聞
