友好協進會組青委會 53歲李家傑做主任
[2015.10.31] 發表
【明報專訊】佔領運動後，個個都話關注青年問題，連人大政協組成嘅香港友好協進會都唔輸蝕，日前成立青年事務委員會，希望未來積極推動青年工作。青委會搵嚟全國政協常委、恒基地產李兆基公子李家傑做主任，副主任就有民建聯副主席陳勇、周浩鼎、經民聯青委會主席張俊勇、九龍社團聯會理事長王惠貞、全國青年聯會副主席陳仲尼等。
可能每個人對「青年」嘅定義唔同，Emily睇完委員會名單，就發覺成員平均年齡應該都有4字頭，李家傑更已經53歲，唔知討論青年問題嗰陣會唔會同年輕人脫節？
不過，青年委員會前日先第一次開會，暫未有具體工作，只係定出幫助青年人創業就業等大方向，會上就有人拋出設立創業基金、提供暑期實習等建議。
更多港聞
相關新聞
