長子犯詐騙 癌父恐嚇感化官判緩刑
【明報專訊】患癌父親不欲干犯欺詐罪的長子入獄，在電話中恐嚇感化官，要求對方「寫好個報告」，否則感化官「會有事」，更聲言「我殺咗你都唔會坐監」。他早前於裁判法院承認刑事恐嚇罪，昨被判監禁1個月、緩刑1年。裁判官庭上替被告「教仔」，斥其長子「畀咗好多麻煩屋企」，要求他「老老實實去揾錢……阿爸有事就靠晒你，撐起成頭家」。
促寫好報告 「我殺咗你都唔會坐監」
被告呂慶如(54歲)庭上自言深感後悔，昨步出法院時卻沉不住氣，與妻不斷拍打女記者背部，其間被告妻子和幼女更粗口橫飛。
根據案情，被告長子呂才能(20歲，譯音)因網上詐騙被定罪，女感化官徐秋儀於判刑前兩天致電被告，欲了解其家庭狀况，其間透露其長子感化期間表現不佳，或會被還押，被告聽罷隨即恐嚇道：「你要寫好個報告，佢唔入得去(監獄)，我唔知會點，你同唐姑娘都會有事……我係恐嚇你，你錄我音囉，我殺咗你都唔會坐監。」徐聞言報警。被告警誡下承認犯案，但聲稱「我講吓啫，都無做」。
辯方求情說被告曾任紮鐵工人，現時無業。他自2006年起患上肝癌，雖然四度動手術，但癌細胞已擴散入骨。他多年來安分守己，只因長子近年不斷犯案，不知如何教導，情急下才恐嚇感化官，案發後他已致函事主道歉。
被告妻子、長子及幼女昨均有到庭，主任裁判官吳蕙芳得悉後，即着被告長子站出來，斥責「你畀咗好多麻煩屋企」。當吳官得知被告長子有4項涉及不誠實的案底時，便反問：「不誠實成為你個格？你20歲已有4次。」
官令被告長子站出 勸老老實實搵錢
被告長子其後稱犯案因「細個時貪心」，吳官回應說：「你唔好同我講細個！你老老實實去揾錢，唔好搞古靈精怪嘢，唔好再用呢啲手段呃人。阿爸有事就靠晒你，撐起成頭家！」吳官又勸被告：「你無得理咁多，唔好將所有嘢揹上身，睇住自己身體，兒女有兒女福！」吳官考慮辯方求情後，決定輕判被告緩刑。
【案件編號：FLCC4948/15】
