【明報專訊】民主黨沙田利安區議員麥潤培，前日聯同6名黨員向黨中委發信宣布退出民主黨。噚日麥潤培已喺facebook上載相片，顯示佢掩蓋地區辦事處原有嘅民主黨「白鴿」黨徽，而其後佢如常做地區工作，包括向街坊派發印有「民主黨」、「涂謹申」及「白鴿黨徽」等嘅綠色環保袋，佢喺facebook話﹕「多謝民主黨涂謹申議員贊助環保袋及扇。我雖然離開了民主黨，但依然會全力推動民主社區，更會同前黨友合作地區服務。」 稱涂謹申知曉 麥潤培同Emily講佢仍係泛民嘅人，亦係民主黨出身，「怎能忘本」，只要民主黨人有需要，佢都會幫手；對於噚日仍派發民主黨涂謹申嘅物資，佢話「好合理」、「不覺得有問題」，涂謹申亦知道呢個安排，而噚日活動係早已計劃，街坊反應亦好好。麥潤培強調退黨係唔想將私怨帶到地區工作，佢主要係同民主黨新東支部合作出問題啫。
|
| |
| |
;){kind=small}
;)
