棠哥前面受訪 同學後面舉牌

工聯會鄭耀棠（右）去樹仁大學講talk，會前接受傳媒訪問時被幾個學生抗議，喺佢背後高舉諷刺工聯會「賣工人」等紙張，但佢哋無大吵大鬧嘈住棠哥回應提問，喺會場內亦再無人抗議。（李紹昌攝）

【明報專訊】行政會議成員、工聯會榮譽會長鄭耀棠噚日去樹仁大學做講座嘉賓，同學生分享「妥協的藝術﹕從爭取勞工權益到普選」，不過棠哥一向都幾惹火，雖然只係出席學生活動，但噚日都有幾個同學喺現場抗議，當棠哥接受傳媒訪問時，就有人喺後面高舉「賣香港」、「賣工人」紙張，諷刺工聯會維護政府，認為工聯會出賣工人利益，但棠哥一派氣定神閒咁喺示威者前面接受採訪。

批評工聯會係「偽基層」

雖然幾個學生批評工聯會係「偽基層」，但棠哥事後就話唔介意。棠哥噚日喺分享會度主要係講工運，不過似乎學生們更關注中聯辦主任張曉明嘅「超然」論，去到答問環節，唔少同學仔都希望棠哥解讀吓主任嘅言論，棠哥就重申張曉明講「超然」，並唔係話特首可以做太上皇或唔守法，認為係部分政黨歪曲咗張嘅言論，建議大家熟讀張曉明成篇講稿。

有同學仔質疑，棠哥講勞工權益爭取時，提到唔好拎事主做「人質」去拎曝光率，咁佢又點睇同屬工聯會嘅陳婉嫻、王國興兩個嘅表現呢？棠哥就話嫻姐、王國興都一定唔會拎人去做人質，強調係為工人打拼喎。

有人問及當年工聯會喺議會否決集體談判權，棠哥有無後悔，棠哥就話當年工聯會提出三重架構嘅集體談判，但政府無接納，佢會繼續爭取，但強調各地嘅集體談判制度都唔同，而當日議會審議嘅集體談判權係私人草案形式，大家都唔清楚細節，指唔了解風險就支持係唔負責任，「唔經過審議，我唔知(條例)對邊個有利」，所以唯有棄權。

更多港聞

吳亮星唔做財會主席

【明報專訊】建制派為爭奪新一年度立法會嘅委員會主席職位而互不相讓，反而「星爺」吳亮星就話唔爭，主動放棄做財委會主席。按建制派原定嘅協調，星爺... 詳情

津中議會憂收緊合約教師失彈性

【明報專訊】中學生人口下降的寒冬未過，教師入職不容易，教協一直批評合約制下有些教師「三年又三年」仍未獲長約，常為飯碗憂心。據筆者了解，教育局... 詳情

各校書費最多差7.9倍 中四平均2963元最貴

【明報專訊】消委會蒐集51間小學及42間中學的書單，發現今年小學及中學平均買書費用分別升4.2%及4%，貼近通脹水平，但各校買書費用差異甚大... 詳情

諾獎得主朱棣文科大演說

【明報專訊】科技大學為慶祝成立25周年，舉辦傑出人士系列講座，首名演講嘉賓為美國能源部前部長、1997年度諾貝爾物理獎得主朱棣文（右），他昨... 詳情

嶺南宿舍改簡稱 學生會反對

【明報專訊】嶺南大學現有10座宿舍，其中8座一直以A至H作為英文簡稱，近日校方向學生發通告，稱諮詢過與宿舍捐款人有密切關係的校友後，理解到捐... 詳情