四哥匿行李箱 修哥笑「縮骨」
[2015.08.27] 發表
【明報專訊】謝賢(四哥)摑曾江事件，掀起全城熱話，令他們聯同胡楓(修哥)、Joe Junior合作的旅遊節目《4個小生去旅行》更受注目。
今晚播出的第9集，內有鬧不和的玄機，攝製隊從聖彼得堡搭火車返莫斯科，四哥、修哥和Joe都有份幫手搬行李，唯獨坐輪椅的曾江毋須付出勞力，四哥向修哥講是非：「下次我哋都坐輪椅！」曾江反問：「你哋講我壞話呀？」
窒曾江「最驚老虎乸」
鏡頭一轉，四哥和曾江就跟老虎近距離接觸，四哥取笑曾江：「你乜都唔驚，最驚老虎乸！」、「呢啲畜生，好似佢咁！」曾江笑笑口無反駁，其後展示大膽動作，以手扯開老虎口，以及跟四哥一起餵老虎。四哥在行程中非常貪玩，表演「縮骨功」藏身於行李箱中，被修哥取笑：「佢個人一樣都係『縮骨』。」
記者：鍾一虹
攝影：梁迺楠
更多影視
相關新聞
