日暈驚艷香江
[2015.08.03] 發表
【明報專訊】噚日香港風和日麗，唔少市民喺中午時分抬頭都發現太陽畀一個彩虹光環團團圍住，好靚，呢個就係「日暈」(Halo)現象喇！
天文台科學主任就解釋，「日暈」喺香港唔算罕見，係一種光學現象，一般來自萬呎高空嘅卷層雲，當日光照射到雲層，受到雲層內冰晶折射，就會出現環狀或弧狀嘅七彩光環。
天文台資料顯示，「日暈」有「小暈」同「大暈」之分。「小暈」係以發光體為圓心、角半徑為22度嘅一種內圈呈淡紅色、外圈偶爾為紫色或白色光環，光環內天空明顯較光環外暗；「大暈」就係角半徑為46度嘅暈環，十分少見，一般比小暈暗。
( 劉焌陶攝)
更多港聞
相關新聞
