【明報專訊】每年書展都係唔同政治人物出書宣揚理念嘅好機會，人民力量今年都唔執輸，趁書展推出咗《選戰風雲》同《傘下力量》兩本書。 人力《傘下力量》盼留歷史印記 《選戰風雲》係人力立法會議員陳偉業(大嚿)嘅作品，大嚿話經歷咗香港選舉30年，話𠵱家共產黨已經有好似蜘蛛網咁縱橫交錯嘅網絡，利用地區團體、商會、勞工組織、青年組織、婦女會、業主會、互助委員會等影響選舉。 至於《傘下力量》就係由人力唔同成員合寫，主要係人力成員分享番喺雨傘運動中嘅感受。 人力主席袁彌明就話希望可以留一個歷史印記，喺書中亦會有少少對唔同傘運參與者嘅評價。 除咗人力，新民黨主席葉劉淑儀推出兩本新書，分別係《有話直說》及Regina's English Works for You，書本結集咗佢喺報章刊登嘅文章。
|
| |
| |
;){kind=small}
;)
