陳國明帶cue棍搭港鐵被警告
[2015.07.15] 發表
【明報專訊】作為一個桌球手，出街帶埋桌球棍係好合理嘅，但前港隊桌球選手、現任香港桌球總會教練陳國明就被制止。佢噚日攞住cue棍，打算由上水乘搭港鐵到火炭沙田體育學院，但港鐵職員話佢行李過大，禁止佢上車，仲向佢發出警告信，話如果再犯將被罰款2000元 ，甚至入獄。
陳國明同Emily講，港鐵職員話佢攜帶嘅球桿超出港鐵規定，只有兩個選擇﹕離開或罰款，佢同職員爭論半小時後，選擇乘搭另一樣交通工具到目的地。
陳國明話無因為事件唔開心，因為職員都係執行職務，但佢話有啲擔心，因近年好多港隊成員都要返內地比賽同集訓，而佢又即將帶隊員到內地比賽，咁點搞呢？
陳國明話曾帶球桿乘坐港鐵，職員知道佢攜帶嘅只係球桿，都有畀佢上車，所以佢希望港鐵能考慮放寬條例，或視乎情况執法。港鐵就話，一直致力提供安全及舒適環境予乘客，行李長、闊、高合計不可超過170厘米，任何一面亦不能超過130厘米，若乘客攜帶過大行李，會呼籲乘客改搭其他交通工具。
更多港聞
【明報專訊】即將辭任立法會議員嘅資深大律師湯家驊（Ronny），將會做番全職大狀，密密接案件搵真銀。Ronny笑言如果智庫「民主思路」等錢使...
詳情
【明報專訊】啟晴邨食水含鉛量超標搞到滿城風雨，唔少人都乘機抽吓水，好似網絡歌手龍小菌就將楊千嬅嘅《可惜我是水瓶座》改編成《可惜我是水喉匠》。...
詳情
第18屆校園記者˙體育新聞王子伍家謙：一生離不開體育
【明報專訊】「家謙，交畀你講體育！」過去在晚間新聞報道中，觀眾不時聽到這句說話，不過自無綫電視新聞部前體育組首席記者伍家謙在2014年尾離職... 詳情相關新聞
