亞視午間新聞「復活」有望
[2015.07.04] 發表
【明報專訊】亞視有班員工陪公司「迎難而上」，但每個月等出糧都好提心吊膽，噚日終於用現金支票出6月份糧，唔使再四圍撲水。
前排盛傳有新股東入主亞視，雖然仲搞緊手續，未正式成事，但亞視已有鴻圖大計，未來除咗做好電視節目、重新爭取免費電視牌照外，仲會積極發展衛星電視同網上OTT平台，組成「三亞」。亞視執董葉家寶噚晚寫blog就預告全球招募有創意、有想法嘅精英，一齊迎來亞視新希望。文末仲特別註明已經出咗糧，唔知係咪要向精英們派定心丸呢？
全球招募創意精英
Emily聽聞，亞視「重中之重」嘅任務係「復活」午間新聞同埋亞洲早晨，另外會恢復製作綜藝節目。咁又會唔會重拍之前胎死腹中嘅《新天蠶變》？聽聞就要再傾。另外，亞視唔怕再被惡搞，準備公開徵集新台徽，大家可以幫吓手設計喎。
更多港聞
相關新聞
