亞視老臣子搞App推自家節目
[2015.07.01] 發表
【明報專訊】亞視積弱多年，連個牌都冇埋，喺老臣子秦啟維(維維)眼中「感覺已經死咗」，好遺憾近年都做唔到有質素嘅節目。流住亞視血嘅佢最近同兩個拍檔投資6位數字搞YouTube頻道「A記」(圖)，仲整埋手機App，下周四開始推出自家製節目，台前幕後都係亞視現職或前同事，但同亞視無關，「搞A記係唔想畀人睇小，我哋有好多專業嘅導演、監製同演員，希望有平台發揮」。
佢同Emily講，A記節目絕對唔係《把酒當歌》，預告會搵歷年亞視台柱，好似鮑起靜、陳啟泰、朱慧珊，分別喺10間餐廳暢談亞視人情味；戚黛黛孭飛主持烹飪節目示範親子飯盒。但維維仲有亞視合約在身，佢話已經研究過，網上頻道唔會牴觸合約。
至於亞視賣盤仲係只聞樓梯響，發言人話積極安排緊發6月份人工，希望盡快搞得掂。
更多港聞
相關新聞
