市民捐家人帛金 換「明哥飯票」遺愛

網友話梁小姐日前用爸爸喪禮收到嘅帛金約一萬八千蚊，捐畀深水埗燒臘飯店東主陳灼明（明哥）買咗830張飯票；翌日又有一名男子用爺爺嘅帛金買咗約150張飯票。（Benson Tsang的facebook圖片）

【明報專訊】帛金都可以用嚟做善事！Emily喺facebook見到，有一名女士用爸爸嘅帛金一萬八千元，向專門幫助基層人士嘅深水埗燒臘飯店東主陳灼明(明哥)，買咗830張飯票，得到萬五個讚好同千幾次轉發。

明哥嘅飯票用於派飯畀區內有需要嘅人，飯票由義工派畀街上拾紙皮嘅老人家同無家者，如畀佢哋兩個月內到北河海鮮燒臘飯店取飯；又會將飯票換成飯盒，每天供應畀區內有需要人士。Emily打電話問明哥，得知原來一年都有十個八個好心人用禮金或者帛金買飯票，每次金額由幾千至萬幾蚊不等。

明哥話噚日又有一名男士，用爺爺嘅帛金買咗近150張飯票，話喺facebook見到，不但覺得好有意義，又可以為逝世嘅人做好事。原來明哥不止每日派飯，逢星期六同日仲會上門派400個飯畀老人家，風雨不改。

明哥活動多：中醫義診 搞生日會

除咗派飯，明哥會跟唔同機構合作，例如噚日同10個中醫師去屋邨幫公公婆婆義診，又派時令湯水；早兩個月又喺深水埗富昌邨一處空地幫老人家搞生日會，計劃8月再舉行。除咗提供食物，更安排流動醫療車幫老友記驗眼驗耳等。而後日七一回歸周年，明哥話有區內上門探訪，又預備咗500份物資派畀有需要嘅人。

更多港聞

慢必揭住院舍媽媽「被登記」做選民

【明報專訊】區議會選舉將在年底舉行，建制和泛民都積極舉行選民登記活動，呼籲支持者在選舉中投票。不過，人民力量立法會議員陳志全（慢必）透露，喺... 詳情

蔣麗芸讚脾氣好 李慧琼：天生愛笑

【明報專訊】民建聯蔣麗芸（Ann）出名火爆忍唔到口，但佢作為前輩，都話要向該黨年輕新任主席李慧琼（Starry）學習，佢話Starry脾氣好... 詳情

港男向台女友 荔園求婚成功

【明報專訊】闊別香港18年的荔園短暫重現中環海濱，有男子噚晚喺荔園「經典掟階磚」攤位遊戲，向相識咗15年嘅台灣女友求婚，其間跪地送上99枝玫... 詳情

逾百人遊行中聯辦 促廣西停狗肉節

【明報專訊】噚日有百幾個愛動物人士由中環遮打花園遊行去西環中聯辦，要求廣西省政府永久停辦狗肉節。參與者穿著黑色衫，拉起寫住「Stop Eat... 詳情

大專迎新營多棄物少回收

【明報專訊】大專迎新營（O Camp）每年耗用大量即棄物品惹關注。香港地球之友訪問了453名大專學生，逾半受訪者表示，一次O Camp消耗3... 詳情