中聯辦大聲公請走記者
職員OT到夜深
[2015.06.27] 發表
【明報專訊】中聯辦前晚破天荒畀記者走入大樓地下大堂，採訪建制派議員同中聯辦主任張曉明茶敘，唔少記者都讚賞安排唔錯。不過，當晚採訪結束已經係深夜12點幾，中聯辦工作人員可能趕住收工，面對一班忙於即場寫稿同錄影「做扒」嘅記者，最終要出動大聲公，喺大堂內廣播話大樓要閂門，先可以令辛勤嘅記者離開。
Emily同其中一個中聯辦工作人員傾過偈，佢話平日收工時間同普通香港人一樣，大約黃昏6點左右，所以佢笑言前晚係OT幾個鐘。
前晚茶敘9點半先開始，11點半結束，等埋建制派議員會後發言，都已經12點幾。建制派議員嗰頭離開大樓，工作人員就開始請記者走，佢哋先逐一行到記者身邊，輕聲地請記者走，但可惜呢招唔work，記者都趕緊死線寫稿，工作人員唯有出動大聲公啦。
更多港聞
相關新聞
