「馬場皓楠哥」 彈得又騎得
[2015.06.09] 發表
【明報專訊】有傳說話騎師身材最好唔好高過1.6米，但今年21歲、人稱「馬場皓楠哥」嘅見習騎師黃皓楠身高就接近1.7米，仲有七級鋼琴資格，入行前完全冇掂過馬，但6年前見到馬會招募賽事見習學員，膽粗粗報名試吓，咁就入咗行，後來仲去咗新西蘭受訓。皓楠哥以前彈琴，對節奏敏感，所以騎起馬時節奏掌握得特別好，受訓返嚟3個月已經贏咗7場頭馬，獎金進帳30萬元。
馬會請見習學員
馬會年年都會招募賽事見習學員，今年已經開始接受報名，年滿15歲、讀完中三就可以申請，培訓9個月後有多種出路，包括見習騎師、策騎員、騎術教練，甚至行政人員。
見習騎師學校校長陳念慈(Amy)話年年都收到500幾份申請，經過體能測試、面試、選拔營層層篩選，最後會揀25人出嚟，入學起薪點有9500元。
不過，要畢業一啲都唔容易，學員每朝3點半就要開始晨操，想做騎師嘅話仲要嚴格控制體重，keep住喺103磅左右，想做策騎員就唔可以超過115磅；但Amy話對身高冇特別要求，反而性格上進勤力、態度好更重要。有興趣者可以上馬會個網填form申請(http://www.hkjc.com/rdb)。
更多港聞
【明報專訊】幼稚園全日制學位不足，有幼師透露，有雙職家長因沒有全日制學位，黃昏才可到校接回讀上午班的兒子，幼師雖有安排讓男童旁聽下午班課堂，...
詳情
相關新聞
