葉太：民調都係講信字
新民黨政改調查無加權

新民黨公布喺街頭做嘅政改問卷調查，主席葉劉淑儀（右四）帶咗幾個人出席，又畀機會佢哋講吓街坊點睇政改，包括喺大坑服務嘅王政芝（右一），聽聞佢好大機會接替黨友黃楚峰出戰年底區選。（李紹昌攝）

【明報專訊】不同團體陸續發表政改民意調查，新民黨噚日亦公布佢哋做嘅政改民調，有別於電話訪問，主席葉劉淑儀話今次調查喺上月27至本月8日，於30個地點街頭訪問2773人，不過地點似乎都喺新民黨嘅「樁腳」或有意出選嘅區做，九龍區就欠奉喇。結果顯示，53%受訪者表示支持政改方案，30%話一半半，17%就話反對。

咁樣做問卷，結果可信度有幾高？葉太就話，所有民調都有佢嘅問題，即使大學做，都會有受訪者因為某大學做而拒絕回應，認為所有民調都唔可能絕對準確，佢哋只係想提供參考，又話今次結果係反映地區意見。記者質疑點解民調結果無加權，葉太就話坊間民調其實係咪抽樣、加權都無人知，都係講個信字喎。

帶區議員社區主任曝光

葉太噚日開記者會，帶咗唔少區議員同社區主任一齊公布調查，仲畀機會佢哋輪流講吓街頭做問卷聽到乜嘢街坊意見，其中出席嘅包括大坑社區發展主任王政芝(Gigi)，而新民黨當區區議員黃楚峰就無現身，相信Gigi都好大機會接替黃楚峰參選11月嘅區議會選舉嘞。

更多港聞

調查：七成半人撐立法管象牙貿易

【明報專訊】全球唔少地方仍然都有偷獵象牙，有保育團體早前委託港大做調查，訪問1021人，結果顯示有75.5%受訪者支持立法規管象牙貿易，佢哋... 詳情

終院法官高禮哲逝世

【明報專訊】終審法院非常任法官高禮哲爵士（Sir Thomas Gault，圖）上星期喺新西蘭奧克蘭逝世，司法機構發表聲明表示深表哀痛。高禮... 詳情

林慧思校門抗議 校方促收斂

【明報專訊】寶血會培靈學校教師林慧思於2013年以粗口罵警後，遭建制派狙擊，其後不時在facebook表達政見，她早前指校長要求她將face... 詳情

認識非洗腦 應對矛盾第一步

【明報專訊】解放軍到訪大學、院校開辦認識中國課程，一一觸動大學生拒共情緒。有大學管理層說，校方提供的中國相關課程，負責授課的學者也包括「反共... 詳情

網購教科書 不足1/4家長嘗試

【明報專訊】香港家庭教育學院聯同書協網本月訪問505名中學生家長，發現受訪家長過去1年平均花5小時為子女購買教科書，當中13%為此更花11小... 詳情