馬恩國一度話：有共黨才有中國
[2015.05.13] 發表
【明報專訊】中澳法學交流基金會主席馬恩國前排推銷國安法，講到自己好似岳飛咁愛國，佢噚日就上咗港台節目《視點31》，同法政匯思召集人任建峰一齊討論國安法。馬大狀喺節目上講到，中國同外國喺國家安全有所不同，因為外國係有國家先有政黨，中國就係來自黨，「有共產黨才有中國」。
任建峰隨即話，相信唐宋元明清嘅古人聽到「岳將軍」呢句都會激到喺墳墓跳番出嚟。馬恩國其後澄清話，自己意思係「沒有共產黨，就沒有中華人民共和國」，只係一時口誤講錯啫。
任建峰喺節目上被馬恩國嘅言論嚇親，原來鏡頭後，馬恩國亦被對方嚇親。任建峰噚日喺facebook話，馬大狀見到任建峰原來比自己高，感到有啲驚訝。
其實任建峰同馬恩國除咗同樣來自法律界、身高又差唔多外，仲有一個共通點，就係佢哋都係持澳洲護照，兩個持澳洲護照嘅人同場論中國國安法點樣喺香港實踐，認真耐人尋味。
任建峰話，馬恩國喺化妝間一見到佢就只講英文，無講中文。不過，任話「岳生」絕對係一個有風度、值得一讚嘅人，雖然二人政見可以不同，但應讚就要讚。
更多港聞
【明報專訊】政府統計處噚日出稿，話近來接到數名巿民查詢，有人以「政府統計處」名義打電話畀市民，藉詞做統計調查，向市民蒐集與統計處工作範疇無關...
詳情
【明報專訊】立法會秘書處早前就議員薪酬及議員辦事處開支諮詢議員意見，41名回覆議員中，只有15名議員認為立法會議員要加人工；有人建議議員人工...
詳情
【明報專訊】教育局近日出版《基本法》教材再成話題，學民思潮質疑該教材是國民教育「借屍還魂」，發起由各中學學生成立的關注組聯署要求撤回教材，但...
詳情
相關新聞
