網傳投訴教授信拉梁美芬落水
[2015.05.12] 發表
【明報專訊】噚日網上流傳一封神秘信，要求立法會教育事務委員會行使權力，命令理工大學公開有熱血公民背景、講過「反水貨客示威係官逼民反」嘅理大應用社會科學系講師鄭松泰對內地學生嘅評分資料，質疑鄭對內地學生評分不公。不過，呢件事最弔詭嘅係，投訴信署名團體係「香港『陪』青社」，而留低嘅電話號碼就係西九新動力嘅深水埗辦事處。
Emily問番「當事人」西九新動力主席梁美芬，以及「香港培青社」，佢哋都話唔知道有呢件事，相信係一場惡作劇，認真大整蠱。
梁美芬同Emily講，問過相關辦事處負責人，證實佢哋都唔知呢件事，而佢自己亦完全唔識培青社，仲話未經同意擅自拎咗佢哋電話嚟用，會保留追究權利。培青社亦話無發相關信件，會保留追究冒充佢哋發放不實資料嘅法律權利。
更多港聞
【明報專訊】香港教育學院計劃改革一年級必修科「通識教育基礎課程」引起爭議，學生會引述校長張仁良（小圖）早前透露，該課程下學年將增加「放眼世界...
詳情
相關新聞
