【明報專訊】新界關注大聯盟發言人、律師何君堯(圖)周日喺《城市論壇》講反對用粗口辱警時，提到「我係一個普通市民，但我亦都係一個社會工作者」，點知呢句話引來風波。社會工作者總工會發公開信，話何君堯唔係註冊社工，自稱「社會工作者」已經觸犯《社會工作者註冊條例》，促請社會工作者註冊局調查同跟進。 何﹕只想講為社會工作多年 何君堯就同Emily講話覺得「莫名其妙」，因為佢當時只係想講自己為社會工作多年，無意冒充社工，根本冇犯法。 Emily睇過《社會工作者註冊條例》，第34條講明如果未註冊，任何人都唔可以自稱「註冊社會工作者」、「社工」、「社會工作者」等，去描述自己嘅專業係社會工作專業。何君堯話自己當時唔係用呢個字眼去描述自己嘅專業係社工，所以冇犯法，其他人唔可以斷章取義。 何君堯話佢唔係拍門同人講自己係社工、招搖撞騙，《城市論壇》都有介紹佢係事務律師，佢覺得呢啲只係茶杯裏的風波啫。
|
| |
| |
;){kind=small}
;)
