示威者唔放過CY
藝發局頒獎禮演混戰

特首梁振英噚晚出席「2014香港藝術發展獎」頒獎禮，一班爭取真普選示威者（左）湧入會場示威，警察築成人鏈阻擋，保護梁振英入場，雙方互相推撞，場面混亂。（盧翊銘攝）

梁振英（台上左二）主持頒獎禮，觀眾席上有出席嘅人撐起黃傘抗議。

【明報專訊】特首梁振英噚晚到文化中心出席藝發局舉行嘅「2014香港藝術發展獎」頒獎禮，無論場外同場內都遇到示威。頒獎禮舉行前，社民連同學聯等組織為咗政改問題喺文化中心外示威，遇到另一批支持政府嘅人到場，社民連梁國雄同學聯就高呼「我要真普選」及「梁振英下台」口號，而支持政改嘅就高呼「支持梁振英」及「普選已到手」，結果梁振英要喺警方人鏈保護之下入場，大批示威者乘機湧入文化中心，場面混亂。

得獎者上台籲珍惜言論自由

大批跟住梁振英嘅示威者衝咗入文化中心，大聲叫罵，又向梁掟雜物，畀保安同警方阻止，其間有示威者同警方互相推撞，部分人仲跌低咗。

典禮開始之後亦都有人喺場內抗議。當梁振英上台頒獎，城大學生會外務副會長梁曉暘立即喺觀眾席最後排企起身，高叫「我要真普選」，畀保安趕離場。台下亦有藝術家戴上黃絲帶出席，有得獎者上台攞獎時呼籲珍惜言論自由。

《魔警》林超賢親領獎

今年電影界別嘅「年度藝術家獎」早排爆出遴選爭議，評審小組原本提出今年獎項出缺，但藝發局總評審團推翻賽果，將年獎頒畀《魔警》導演林超賢。林超賢噚晚親身領獎，話尊重大會、尊重藝術，所以出席。

更多港聞

fb帖文：葡萄同事去旅行 政府新聞網被鬧爆

【明報專訊】政府新聞網早前開設facebook專頁，噚日出咗個帖文，話「小編」隔離位個靚女同事Shirley辭職同老公仔環遊世界，令到「小編... 詳情

歐耀佳也門救援 唔怕危險

【明報專訊】也門近日武裝衝突好激烈，造成多人傷亡，傷者不斷湧去無國界醫生（MSF）位於南部城市亞丁（Aden）嘅醫院接受治療。為咗應付源源不... 詳情

何謂「國際標準」？ 英國會港候選人捱轟

【明報專訊】英國大選下月7號舉行，其中25歲嘅自民黨候選人張敬龍有望成為首位「港產」國會議員，由英國選民組成嘅海外港人聯盟（HKOA）喺選戰... 詳情