民建聯送袋裝基本法
印60萬本派學生
[2015.04.02] 發表
【明報專訊】今年係《基本法》頒布25周年，近期唔少建制派都批評香港人對基本法認識唔夠，北京法律學者王振民更話基本法係「GPS」(全球衛星定位系統)，叫每個人都應隨身攜帶。民建聯可能都好同意呢個講法，所以佢哋印製咗60萬本袋裝式基本法，仲將中央數次有關政改嘅決定放埋入去，方便大家。
話學校反應熱烈
民建聯噚日開記者會介紹，首先向在場傳媒送一本基本法，主席譚耀宗話已經寄信問全港中、小學，話可以免費送贈基本法，問有無人要，指學校反應熱烈，該黨稍後亦會喺社區派發。
印60萬本咁多，但譚sir話由於佢哋大量印製，所以成本唔高，每本唔使兩蚊，費用由馬力國民教育基金支持。民建聯副主席李慧琼就話，基本法都係工具書，一書傍身夠晒方便，無論學生或唔同行業嘅人都啱用。
更多港聞
【明報專訊】噚日立法會召開特別財委會，運輸及房屋局長張炳良解答議員有關佢政策範疇嘅問題，但變咗議員對罵。民主黨主席劉慧卿開場白首先多謝局長前...
詳情
相關新聞
