張建宗一朝趕5場無甩拖
[2015.03.30] 發表
【明報專訊】噚日係長者及殘疾人士兩蚊搭車優惠擴展至綠色小巴嘅日子，以後佢哋乘搭407條小巴路線都有優惠，特首梁振英(CY)噚日就同埋勞福局長「小肥張」張建宗去咗香港仔專線小巴站視察，同啲街坊傾吓偈咁。梁振英其後喺網誌講，兩蚊優惠每日平均有74萬人次受惠，政府去年補貼5.8億元，下年度估計要約9億，雖然所費不菲，但覺得十分值得。
Emily噚日發現，原來噚朝小肥張好活躍，佢去香港仔嘅兩蚊乘車優惠活動前，晨早9點已去咗迪士尼出席百仁基金嘅跑步活動，逗留一陣就去咗尖沙嘴職安健活動主禮，之後先去香港仔。香港仔後又出席九龍灣一個耆英舞活動，之後去埋下晝1點喺尖沙嘴嘅兒童禮儀活動，真係一朝早畀佢走勻港九新界，聽講場場都準時，睇來局長嘅時間管理真係有一手。
更多港聞
【明報專訊】學聯後日（4月1日）換莊，候任嘅秘書處人員同常委噚日開記者會，交代周年大會內容同未來工作方針。新人事新作風，不過，睇嚟「遲到精神...
詳情
相關新聞
