郭基煇想抱抱獄中爸爸
[2015.03.23] 發表
【明報專訊】新鴻基地產前聯席主席郭炳江涉及許仕仁案被判監5年，正在服刑，早排家人幫佢申請保釋等候上訴但被法官拒絕；郭炳江囝囝、新地執行董事郭基煇噚日就話好失望，仲話?家靠書信同爸爸聯繫，「我不知幾想同佢(爸爸)講個電話或者抱一抱，不過呢樣嘢做唔到！」
書信聯繫 「每封信也很珍貴」
郭基煇噚日出席新地主辦嘅活動，佢話遲少少先有機會探爸爸，因為懲教署有探訪限制，「喺呢段時間只有寫信，即係可能唔知你哋會唔會明，喺呢個時候，收到每一封信都好珍貴，睇嘅時候，我不知幾想同佢可以講個電話或者抱一抱，不過呢樣嘢係做唔到，所以每一封信、每一個字都係心血嚟。」佢又話，爸爸喺信中提到需要一星期時間去整頓心情。
更多港聞
相關新聞
