立法會道髹上「自修室2」
[2014.12.31] 發表
【明報專訊】金鐘立法會道被塗雨傘圖案，警方列刑毁，無人被捕。話說前晚11點左右，立法會大樓對開立法會道一段行人路，被人發現以油漆寫上「遮打自修室2」同埋「Study Corner #2」巨型字眼，旁邊仲有黃色雨傘圖案。警方列作刑事毁壞案，交中區警區刑事調查隊8隊跟進，暫時無人被捕。
自金鐘及立法會佔領區清場後，唔少示威者繼續留守政府總部對開添美道行人路。Emily噚日到場睇，估計現場仲有約100個帳篷，並且有救護站、物資站，垃圾分類設施，氣氛平靜，下午時分只有十幾人留守。有連日留守嘅大學生話，趁假期嚟留守，佢仲話，留守者會於今日除夕夜，前往發生7警涉毆打市民嘅「暗角」唱歌紀念咁話。
更多港聞
相關新聞
