余仁生廣告被轟抹黑唐狗
通訊局收逾550投訴

余仁生最新嘅電視廣告暗示唐狗咬傷咗細路，細路阿爸（左）激動之下想打唐狗，引起網民不滿指廣告抹黑唐狗，向通訊局投訴。（網上圖片）

【明報專訊】余仁生最近新出嘅「仁者無敵」概念廣告，變成公關災難。話說廣告講有爸爸懷疑個仔畀隻唐狗咬傷，於是拎住枝木棍想打隻狗，最後阿仔追出嚟制止，廣告係想講一念之仁，但熱愛動物嘅網民睇完就好憤怒，覺得廣告抹黑唐狗，加深唐狗會咬人嘅偏見。通訊事務管理局噚日收到逾550宗投訴，主要不滿廣告虐待動物、誤導同埋令人不安。連香港愛護動物協會都話感到極度遺憾，話會聯絡余仁生表達對廣告嘅關注，並會要求停播該廣告。

Emily睇番余仁生網頁嘅「故事背後」影片，導演陳宏一解釋話，廣告中隻唐狗就好似上帝派嚟嘅惡魔，等父親去思考人嘅本質，人嘅意義係乜。

曾經係廣告人嘅非牟利獸醫診所主席麥志豪就話呢個廣告好失敗，一來廣告變成公關災難，得罪咗全香港愛護動物嘅人士，二來廣告只係加深對唐狗嘅偏見，唐狗係唔會亂咁咬人嘅。佢又畀橋余仁生拆彈，話可以停播廣告，發澄清聲明，同埋做公關活動補救，例如贊助慈善機構搞領養唐狗活動。

余仁生﹕有不足 會修改

余仁生夜晚發聲明，解釋話廣告係想講小孩阻止愛子心切父親傷害無辜犬隻，從而帶出守護生命嘅堅定承諾，只係廣告冇清楚交代父親誤解狗呢一點，令大家誤會，有不足之處，所以會修改廣告內容，令信息更清晰。

更多港聞

立會火警演習 議員助理被困

【明報專訊】立法會噚日有火警演習，現場消防員總結演習時話，消防鐘響後4分30秒見到首批人喺添馬公園集合，不過秘書處話最後用咗14分鐘先疏散4... 詳情

李偲嫣贏黃之鋒

【明報專訊】臨近年尾，又係回顧過去一年嘅日子，今年大家印象最深刻肯定係剛落幕冇耐嘅佔領行動，Google噚日公布咗今年搜尋榜，其中十大本地時... 詳情

男侍產假復二讀 議員抱仔撐場

【明報專訊】立法會今日恢復二讀男士有薪侍產假相關草案，民主黨黃碧雲提出將3日法定侍產假增加到7日、侍產假可獲全數支薪，以及取消要提早喺兩日前... 詳情

CY賀報業公會 再講3歲睇報紙

【明報專訊】以特首選舉為主題嘅港視劇《選戰》近日講到特首候選人同傳媒關係，現實中嘅特首梁振英（CY）噚晚則大談佢嘅閱報習慣，不過講緊嘅就係5... 詳情

石仔重提死亡邊緣勉同輩

【明報專訊】喺仁川亞運為香港奪取跳馬「第一金」嘅體操運動員石偉雄（石仔，圖），15歲時參加全國賽時試過頸椎移位，佢日前接受馬會刊物《駿步人生... 詳情