謝偉俊關心周永康肌膚
瞓街生暗瘡 不如入建制

港大比較法與公法研究中心與城大學生會喺城大主辦政改論壇，邀請新民黨中委謝子祺（左起）、立法會議員謝偉俊、學聯秘書長周永康及公民黨黨魁梁家傑出席，討論後佔中方向，有約百名學生參與。（楊康琪攝）

【明報專訊】噚日港大比較法與公法研究中心同城大學生會喺城大舉行政改論壇，立法會議員謝偉俊(Paul)勸學聯秘書長周永康加入建制爭取民主，話喺街度瞓生晒暗瘡，搞到唔靚仔啦。周永康聞言保持微笑，強調唔會入建制。

指梁家傑曾是「法界內建制派」

本來全國政協常委陳永棋都會同周永康同台，講述對後佔中嘅見解，但棋哥臨時甩底，主辦方話棋哥怕有太多記者，會搞到好似辯論咁，如果係閉門，都想同學生見面。雖然無得睇棋哥同周永康對談，但辯論都有火藥味。

身為律師嘅謝偉俊話當年，話自己40歲時都好激進，又除衫、又拍廣告，最後被停牌13個月，當時曾被身為「法律界內嘅建制派」梁家傑批評。阿Paul又話梁家傑曾幾何時係代表溫和理性嘅專業人士，「今時今日邊啲人為咗選票，逼住放棄呢條路線，而上街頭搞五區公投？」

傑哥立即反擊，話「我從政11年來，民望最低、低到最低就係搞五區公投」。但阿Paul窮追猛打，反問﹕「當年如果你知道五區公投時民望最低，會不會做呀？」傑哥咪都未揸穩就回敬﹕「會做，當時表明預咗亡黨……當時我哋要過程，唔係結果。」

更多港聞

黃之鋒被趕落的士

【明報專訊】學民思潮召集人黃之鋒作為佔領運動核心人物之一，得罪咗唔少司機，佢噚日喺商台《在晴朗的一天出發》節目中話，有一次上咗部的士話要去金... 詳情

教協憂幼教採一筆過撥款

【明報專訊】15年免費教育方案將於明年中敲定。教協表示，獲悉免費幼稚園教育委員會傾向以「一筆過」撥款資助幼稚園，擔心會重蹈社福界覆轍，最終令... 詳情

科大生研智能護踝 改善運動姿勢

【明報專訊】做運動時姿勢錯誤可大可小，一般市民不易察覺。科大有學生受足傷啟發，研發可連接智能手機應用程式的創新護踝，可收集用者做運動時的姿勢... 詳情

DSE口試壟斷發言或「扣分」

【明報專訊】考試及評核局昨出版文憑試《考生手冊》，提醒考生考口試時不可使用電子產品作通訊，包括上網收發電郵、SMS短訊或WhatsApp，今... 詳情

時事通識教材．時事焦點：不合作運動

【明報專訊】（圖1） 概念詞彙︰社會運動（social movement） ■考考你 學聯及支援學界全民抗命聯合陣線昨提出... 詳情