基層童畫冊出版 記劏房歲月
[2014.11.17] 發表
【明報專訊】兒童係未來嘅主人翁，基層學童發展亦受關注，最近有一本兒童畫冊《童畫歲月》出版，收錄咗10多個嚟自深水埗同太子區嘅基層兒童畫作。呢班「小畫家」年齡介乎3至15歲，部分人住喺劏房，所以唔少畫作都係圍繞劏房生活，有小男生畫坐喺碌架牀上教媽媽英文嘅情景，亦有小女孩因為屋企無睡房，同爸爸一齊瞓廳，於是畫咗間七彩房間表達心願。
籌辦畫冊嘅組織關注學童發展權利聯席(關學聯)同關注綜援低收入聯盟(關綜聯)話，希望藉住出版畫冊加強各界對基層兒童嘅關心，認為政府要解決兒童貧窮同跨代貧窮問題，改善小朋友居住環境。佢哋話，呢班「小畫家」一直喺一間畫室以優惠價錢學畫，今次畫冊收入(每本150元)扣除成本後會用喺畫室上，資助小朋友學畫。
更多港聞
【明報專訊】前政務司長、全國政協常委唐英年最近獲佢江蘇家鄉嘅江南大學頒授名譽博士學位，佢前日去到大學接受榮譽亦有致辭，向年輕大學生提出3點希...
詳情
【明報專訊】由樂施會主辦嘅全港最大型遠足活動「樂施毅行者」，噚日圓滿結束，樂施會總裁余志穩到場迎接最後一支參加隊伍，佢哋喺下午1時58分抵達...
詳情
相關新聞
