【明報專訊】近年韓風吹得盛，帶動韓國食品入口貨值年年增長，好似韓食代表泡菜，今年頭9個月入口本港嘅貨值有成2800萬(港元，下同)，比舊年同期勁升41%！韓國農水產食品流通公社香港支社長李勝勳預計，今年全年入口香港嘅食品貨值，按年會有一成升幅，比起舊年三成升幅收窄咗，主要係因為少咗內地客豪買人參、紅參等，不過佢話韓國水果、即食麵仍然好受本地客歡迎㗎！ 本月美食展 小食免費試 李勝勳話，香港去年全年入口29.7億元韓國食品，近年更一直穩坐韓國食品第五大出口城市，僅次於日本、中國大陸、美國同越南。根據舊年同今年頭9個月嘅出入口紀錄，入口香港最多嘅產品分別係韓國紅參、麵食、泡菜同醬料；唔少香港人可能好似Emily咁，閒時會喺屋企煮吓韓餐，帶動韓國醬料入口貨值勁升八成半，今年頭9個月總貨值已經有成2100萬，舊年同期得1095萬咋！ 公社喺今個月20號至22號(周四至周六)喺尖沙嘴文化中心露天廣場舉辦韓國美食展，熱門韓國街頭小食例如辣炒年糕、魚糕串同紫菜包飯，到時統統可以免費試食，但就唔會即場賣貨，李勝勳話公社純粹想宣傳，希望市民食過鍾意，自己去超市捧場喎。Emily知道美食展仲會有韓國醫生諮詢攤位、電影同電視劇遊戲攤位，仲有韓國組合歌舞同跆拳道表演睇?！
|
| |
| |
;){kind=small}
;)
