示威者彌敦道撐傘求婚
[2014.10.06] 發表
【明報專訊】警察噚日喺旺角黑夜出動胡椒噴霧驅散示威者，兵荒馬亂後今朝回復平靜。留守主帳篷兩日嘅丘先生，突然喺彌敦道單膝跪下，向拍拖兩個月嘅女朋友陳小姐求婚，即場喺集會者見證下錫錫，圍觀市民拍掌祝賀。
朋友鼓勵求婚「冲喜」
丘先生話，佢朋友鼓勵佢求婚冲喜，諗住喺本月底女朋友生日前訂婚，明年擺酒。丘先生笑住話求婚時毫無準備，好彩有一齊留守嘅朋友臨時搵到把紅遮畀佢拍照留念，等兩人可以一齊「撐起雨傘」。更有人即場用尼龍繩織成求婚戒指，送上祝福。
陳小姐就話喺網上認識丘先生，二人拍拖無耐就認定對方係結婚對象，對男朋友喺彌敦道求婚十分驚喜。陳小姐同邱先生都喺手臂寫上「梁振英下台」幾個大字，兩人都話會留守到底，丘先生承諾「保護未婚妻」，令陳小姐甜絲絲。
更多港聞
相關新聞
